Avropa Birliyinin (AB) 27 Xarici İşlər Naziri, ilin ilk üz-üzə görüşünü Belçikanın paytaxtı Brüsseldə keçirdi. 
 
Ovqat.com-un məlumatına görə, iclasın sonunda təşkil olunan mətbuat konfransında AB Xarici İşlər və Təhlükəsizlik Siyasəti Yüksək Nümayəndəsi Josep Borrell AB Xarici İşlər Nazirlərinin rus müxalifət lideri Aleksey Navalnının həbsinə görə Rusiyaya qarşı sanksiya tətbiq edilməsinə qərar verdiklərini açıqladı. 
 
Rusiyanın avtoritar hala gəldiyini və AB-dən uzaqlaşdığını qeyd edən Borrell "Navalnının vəziyyəti ilə əlaqədar, Rusiyaya qarşı həbs və cəzalandırmaya cavabdeh olanlar da daxil olmaqla, məhdudlaşdırıcı tədbirlər tətbiq etmək üçün siyasi bir qərar verdik",- dedi.
 
Sanksiyaların hazırlanması prosesinin bu gündən etibarən başladığını vurğulayan Borrell konkret təkliflər verildiyini və tədbirlərin bir həftə ərzində hazır olacağını gözlədiyini bildirdi. Məlumata görə, siyahıya oliqarxlar daxil edilməyib.
 
Bu həftənin əvvəlində Avropa İnsan Hüquqları Məhkəməsi (AİHM) Navalnının həyat riski altında olduğunu iddia edərək sərbəst buraxılmasını istədi, lakin Rusiya bu qərarı geri çevirdi.