“Avropa Birliyinin Rusiya ilə münasibətlərini həbsdəki dissident Aleksey Navalnı ilə tənzimləmək "cəfəngiyat"ına getməyəcəyinə ümid edirik”.
 
Ovqat.com xəbər verir ki, Kremlin sözçüsü Dmitri Peskov Brüsselin Navalnı və tərəfdarlarını hədəf alan repressiyaları pisləməsindən sonra jurnalistlərə verdiyi açıqlamada belə deyib.
 
 
AB-nin Xarici Əlaqələr və Təhlükəsizlik Siyasətləri üzrə Yüksək Nümayəndəsi Josep Borrellin yaxın günlərdə planlaşdırılan Moskvaya səfərinə toxunan Peskov Brüsseli “adekvat addımlarla” təhdid edib. "Borrell sərt bir mesaj verərsə, bizim xarici işlər nazirimiz Sergey Lavrov da eyni şəkildə ona cavab verəcək".