44 günlük müharibənin yeni detalları ortaya çıxıb.
 
Ovqat.com xəbər verir ki, Ermənistanın Baş naziri Nikol Paşinyan dünən parlamentdəki çıxışında ermənilərin hələ oktyabr ayının ikinci yarısında ağır güzəştlərə hazır olduqlarını etiraf edib.
 
Onun dediyinə görə, “Artsax prezidenti” və Ermənistan Baş Qərargahı ilə məsləhətləşdikdən sonra ağır güzəştlər yolu ilə barışığa ehtiyac olduğuna qərar verilib.
 
Bu məqsədlə Təhlükəsizlik Şurası müxalifət nümayəndələri, prezident və erməni kilsəsinin rəhbərləri ilə toplantı keçirib. 
 
“İclasdan sonra Putinə zəng vurdum və dedim ki, Ermənistan DQR ətrafındakı bölgələri 5 + 2 düsturuna görə geri qaytarmaq şərti ilə barışıq istəyir. Bakı isə Hadrut bölgəsinin işğaldan çıxarılması tələbini qəti şəkildə geri çevirdi və “Artsax”ın statusunun qaçqınlar mövzusu ilə əlaqələndirilməməsini təkid etdi. Bakı 7 rayonun hamısının bir anda geri qaytarılmasını tələb etdi və daha sonra “Artsax”ın statusunun müzakirəsindən imtina etdi”, - Paşinyan belə deyib.