Xəbər lenti

Əfqanıstan İslam Respublikasının xarici işlər naziri Azərbaycana işgüzar səfərə gəlir.

Trend-in məlumatına görə, Əfqanıstanın xarici işlər naziri Salahuddin Rabbaninin rəhbərlik etdiyi nümayəndə heyəti 5-6 aprel 2018-ci ildə “Davamlı inkişaf naminə beynəlxalq sülh və təhlükəsizliyin təşviq edilməsi” mövzusunda Qoşulmama Hərəkatı çərçivəsində nazirlər konfransında iştirak etmək üçün aprelin 4-7-də Bakıda səfərdə olacaq.

Qeyd edək ki, aprelin 5-6-da Bakıda “Davamlı inkişaf naminə beynəlxalq sülh və təhlükəsizliyin təşviq edilməsi” mövzusunda Qoşulmama Hərəkatı çərçivəsində xarici işlər nazirlərinin aralıq nazirlər konfransı keçiriləcək. Tədbirdə Qoşulmama Hərəkatında iştirak edən dövlətlər, həmçinin Hərəkat yanında müşahidəçi statusu almış dövlət və beynəlxalq təşkilatların nümayəndələri, xüsusi qonaq qismində dəvət olunan ölkələr və təşkilatlar iştirak edəcəklər.

Qoşulmama Hərəkatında 120 dövlət iştirak edir, 17 dövlət və 10 beynəlxalq təşkilat müşahidəçi statusuna malikdir.

 




Ana səhifəyə qayıt        Baxış: 589          Tarix: 4-04-2018, 12:45      

Xəbəri paylaş


Paylaş:   

Prizma