Müdafiə Nazirliyinin N saylı hərbi hissəsinin silah-sursat anbarında baş verən partlayış nəticəsində xəsarət alanların hamısı evə buraxılıb.

Bu barədə Publika.az-a Səhiyyə Nazirliyinin mətbuat xidmətindən məlumat verilib.

Məlumatda bildirilib ki, partlayış nəticəsində 6 nəfər Siyəzən Regional Diaqnostika Mərkəzinə yerləşdirilib. 5 nəfərə ilkin tibbi yardım göstərildikdən sonra buraxılıb. Xəsarət alanlarından yalnız biri xəstəxanada saxlanılıb. Bu gün həmin yaralı da xəstəxanadan evə buraxılıb. Xəstələrin hamısı yüngül qəlpə yaraları aldıqlarından vəziyyətləri ağır olmayıb.