Xəbər lenti

Mərkəzi Afrika Respublikasında (MAR) öldürülən jurnalist – Orxan Camalın yaxınları onu dəfn edə bilmirlər.

Strateq.az xəbər verir ki, bu barədə BBC-ə məlumat verən Orxan Camalın yaxın dostu, jurnalist Maksim Şevçenko deyib ki, Camalın ölüm haqqında şəhadətnaməsi cəsəd gətirilirkən itib, buna görə də yaxınları onu dəfn mərasimini təşkil edə bilmirlər.

Orxan Camal, Aleksandr Rastorquev və Kiril Radçenkonun cəsədləri bazar günü “Air France” təyyarəsiylə MAR-dan Moskvaya gətirilib, bu barədə “BBC News Rusca” məlumat verib.

Rusiyanın Xarici İşlər Nazirliyinin sözçüsü Mariya Zaxarova bildirib ki, sənədlər cəsədin nəqli zamanı itib və hazırda XİN onların bərpası üçün çalışır.

Mariya Zaxarova, Rusiya 1 telekanalına müsahibəsində cəsədlərin daşınmasının özəl yolla həyata keçirildiyini söyləyib və daşınmada kömək edənlərə təşəkkür edib.

Rusiyanın İstintaq Komitəsinin mətbuat xidmətindən verilən məlumata görə, cəsədlər məhkəmə-tibbi ekspertizaya göndəriləcək.

Xatırladaq ki, Orxan Camal, Aleksandr Rastorquev və Kiril Radçenkonun öldürülməsi barədə iyulun 31-də məlum olub. Onlar MAR-da döyüşən Rusiayaya bağlı “Wagnerin ordusu” kimi tanınan xüsusi hərbi birləşmə haqqında material üzərində çalışırmışlar.

Jurnalistlər, Mixail Xodorkovskinin maliyyələşdirdiyi Araşdırma Mərkəzi üçün material çəkirmişlər.

Onların iyulun 30-da qətlə yetirildiyi deyilir. Jurnalistlərin yerli sürücü tərəfindən idarə edilən avtomobilinin yolda başqa bir avtomobil tərəfindən dayandırıldığı bildirilir.

Jurnalistlər iyulun 28-də MAR-a turist vizası ilə gediblər. Onlar son dəfə iyulun 29-da redaktorla əlaqə saxlayıblar.

Rusiya XİN-i iddia edib ki, cəsədlərin üzərindən yalnız güllə izləri aşkar edilib, işgəncə izləri və ya zorakılıq izlərinə rast gəlinməyib.

Orxan Camal, Azərbaycan əsilli müsəlman fəal, Rusiya İslam Komitəsinin təsisçisi və sabiq sədri Heydər Camalın oğludur. 51 yaşlı Orxan Camal Veçernaya Moskva, Nezavisimaya Qazeta, Novaya Qazeta və digər qəzetlərdə işləyib.

O, hərbi müxbir olaraq Şimali Qafqaz, Cənubi Osetiya, Əfqanıstan, İraq və Suriya kimi müharibə zonalarında işləyib.

 




Ana səhifəyə qayıt        Baxış: 61          Tarix: 7-08-2018, 11:10      


Paylaş:   

Xəbərə şərh yaz
Adınız:*
E-Mail:*
Şərhiniz:*
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent