Livanın baş naziri Səad Həriri sui-qəsd riskininin artmasından qorxaraq tutduğu postdan istefa verib.

Milli.Az LBC-yə istinadən bildirir ki, Ər-Riyadda Səudiyyə Ərəbistanının Al Arabiya telekanalında canlı yayımda olarkən S.Həriri deyib: "İstefa verdiyimi və Livan hökumətini buraxdığımı elan edirəm. İran və "Hizbullah" ərəb ölkələrinin daxili işlərinə qarışaraq Yaxın Şərqdəki situasiyanı daha da gərginləşdirirlər".

S.Həriri sui-qəsddən çəkindiyini də vurğulayıb: "Atamla yaşananların başıma gələcəyini istisna etmirəm".

"Müstəqbəl" Partiyasının sədri Səad Həririnin atası, Livanın sabiq baş naziri Rafiq Həriri 2005-ci ildə sui-qəsddə həlak olmuşdu.