Səudiyyə Ərəbistanında dünən keçirilən korrupsiya əməliyyatında 11 şahzadə və  çox sayda iş adamı həbs olunub. İş adamları arasında isə bir nəfər xüsusilə diqqəti cəlb edir. Söhbət Üsamə Bin Ladenin qardaşı Bakr Bin Ladendən gedir.

Moderator.az Türkiyə mediasına istinadən xəbər verir ki, Bin Laden qrupu ildə 30 milyard dollar dövriyyəsi olan böyük inşaat şirkətlərindən biridir.

İslam aləminin müqəddəs məkanı olan Kəbədə genişləndirmə və quruculuq işlərini bu şirkət həyata keçirir.

Bu ailə “Əl-Qaidə” terror təşkilatının əvvəlki lideri Üsamə Bin Ladeni terror faəliyyətinə görə 1990-cı ildə rədd etmiş və ailə üzvlüyündən çıxarmışdı.