ABŞ Tel-Əvivdəki səfirliyini Qüdsə köçürərsə, nəticəsi yaxşı olmayacaq. Biz bu qərarın nəticəsi haqqında xəbərdarlıq edirik. Belə qərar ABŞ-ın Qüdsə hücum etməsi anlamına gəlir.

Axar.az xəbər verir ki, bu sözlər HƏMAS-ın yaydığı bəyanatda əksini tapıb. Bəyanatda qərarın İsrailin Qüdsü yəhudiləşdirmə və fələstinliləri oradan çıxartmaq üçün gördüyü işlərdə örtük rolu oynayacağı, həmçinin, Qüdsü “işğal altında olan torpaq” kimi tanıdan beynəlxalq qanunlara zidd olacağı qeyd edilib.

HƏMAS ərəb və islam ölkələrindən bu qərara etiraz etmələrini istəyib.

Qeyd edək ki, Tramp Qüdsü İsrailin paytaxtı kimi tanımağa, daha sonra isə ABŞ səfirliyini buraya köçürməyə hazırlaşır.