Xəbər lenti

 Putin Qüds məsələsində Ərdoğan qədər sərt mövqedə deyil, ona görə də o, Ankarada bu məsələ ilə bağlı verəcəyi açıqlamalarda bir qədər ehtiyatlı olacaq. Çünki Putin, Ərdoğandan fərqli olaraq, İsraillə münasibətləri korlamaq istəmir.

Axar.az xəbər verir ki, bu sözləri politoloq Elxan Şahinoğlu Rusiya Prezidenti Vladimir Putinin Türkiyəyə səfərinə münasibət bildirərkən qeyd edib. O bildirib ki, Türkiyə Prezidenti Rəcəb Tayyib Ərdoğan son aylarda Rusiyaya xeyli səfər edib, rusiyalı həmkarıyla gah Moskvada, gah da Soçidə görüşüb:

“Növbə Putinindir, indi onu Ankarada gözləyirlər. Liderlər həmişəki kimi iki ölkə arasında həyata keçirilən böyük enerji layihələrindən danışacaqlar, Suriyada İŞİD terroruna son qoyulması da gündəm mövzusu olacaq. ABŞ Prezidenti Donald Tramp Ərdoğan-Putin görüşünə yeni mövzu da verib. Belə ki, Türkiyə və Rusiya prezidentləri Vaşinqtonun Qüdsü İsrailin paytaxt kimi tanıması məsələsinə də toxunacaqlar”.

Qeyd edək ki, Rusiya Prezidenti Vladimir Putin 11 dekabrda Ankaraya səfər edəcək.




Ana səhifəyə qayıt        Baxış: 629          Tarix: 9-12-2017, 08:26      

Xəbəri paylaş


Paylaş:   

Prizma