Belarus vətəndaşlarına inqilab və demokratiya, insan haqları mövzusunda spekulyasiyalar lazım deyil. 

APA-nın RİA "Novosti" agentliyinə istinadən xəbər verir ki, bunu Belarusun Müstəqillik Günü münasibətilə xalqa ünvanladığı təbrikdə prezident Aleksandr Lukaşenko bildirib.

"Son illər ərzində ölkə vətəndaşları və burada yaşayan insanlar çox dəyişikliyin şahidi olub. Lakin bu insanların bir dəyişməz arzusu var ki, bu da müstəqil, azad ölkədə yaşamaqdır. Belarus xalqına sarsıntı, müharibə və inqilab lazım deyil. Bizim illərin sınağından keçmiş ideallarımız və dəyərlərimiz var", - ölkə başçısı qeyd edib.

A.Lukaşenko qeyd edib ki, "XXI əsrin Belarusu stabil və müstəqail şəkildə öz yolu ilə gedən dövlətdir".