Çin Şimali Koreya ilə hərbi xətt üzrə əlaqələri sıfıra endirib.

Ovqat.com "Report"-a istinadən xəbər verir ki, bu barədə "Asia Channel News" telekanalına müsahibəsində Çinin Müdafiə Nazirliyinin Təhlükəsizlik Məsələləri üzrə Beynəlxalq Əməkdaşlıq Mərkəzinin rəhbəri Çjou Bo məlumat verib.

"Xeyr, hazırda bizim KXDR ilə hərbi sahədə heç bir əlaqəmiz yoxdur. Həqiqətən də keçmişdə bizim çox əlaqə və mübadilələrimiz var idi. Amma indi bütün təmaslar sıfıra endirilib. Düşünürəm ki, bu, ikitərəfli münasibətlərdə səbəbi hamıya məlum olan ümumi dəyişiklikləri özündə əks etdirir", - deyə o bildirib.

Çjou Bonun sözlərinə görə, Çin BMT qətnamələrinə riayət edilməsinin vacibliyi problemi ilə bağlı beynəlxalq birliklə həmrəydir.

Xatırladaq ki, bundan əvvəl ABŞ Dövlət Departamenti Çini KXDR-ə daha çox təzyiq göstərməyə çağırmışdı.