ABŞ “Boinq” aviaşirkəti ilə Prezident Donald Tramp üçün nəzərdə tutulan 2 ədəd “Boinq 747” təyyarəsinin alınması ilə bağlı razılığa gəlib.

Axar.az xəbər verir ki, bu barədə “Blumberq” agentliyi informasiya yayıb.

Yeni alınacaq “Boinq 747”nin prezidentin bir nömrəli təyyarəsi olması nəzərdə tutulur. Təyyarələrin hər birinin qiyməti təxminən 390 milyon dollar ətrafında göstərilir. “Boinq 747”lər modernləşdirildikdən sonra 2024-cü ildə ABŞ prezidentinin aviaparkına daxil olunacaqlar.

Qeyd edək ki, alınması nəzərdə tutulan həmin təyyarələr Rusiyanın “Transaero” aviaşirkəti üçün hazırlanmış təyyarələr olub.