Suriyanın şimal-qərbindəki İdlib vilayətinin Maarat-Misrin əyaləti yaxınlığında baş verən partlayış nəticəsində iki nəfər ölüb, onlarla insan yaralanıb.

Oxu.Az-ın SANA agentliyinə istinadən xəbərinə görə, bu barədə ölkənin Səhiyyə Nazirliyinin Mətbuat Xidmətindən məlumat verilib.

Qeyd edək ki, bundan əvvəl "Əl-İxbariya" telekanalı 100-dən çox insanın xəsarət aldığını, o cümlədən yaralananlar arasında qadın və uşaqların olduğunu bildirmişdi.

Məlumata görə, partlayış sursat anbarında baş verib, səbəbləri araşdırılır.