Ukrayna vətəndaşlığından məhrum edilən Odessa vilayətinin keçmiş qubernatoru Mixeil Saakaşvili Polşadan Ukraynaya keçməsi barədə məlumat verib.

Oxu.Az-ın xəbərinə görə, Gürcüstanın sabiq prezidenti bu barədə Facebook sosial şəbəkəsində yazıb.

“Hazırda biz Krakoveç, Ukraynaya keçirik”, - Saakaşvili yazıb.

Bundan əvvəl, Ukrayna hökuməti bəyan edib ki, Saakaşvilini ölkəyə buraxmayacaq. 

Xatırladaq ki, sabiq qubernator iyulun 26-da Ukrayna vətəndaşlığından çıxarılıb.