Xəbər lenti

 Şimali Koreyanın xarici işlər naziri Li Yon Xo ABŞ prezidenti Donald Trampın Birləşmiş Ştatların KXDR-i məhv etməyə hazır olması barədə hədələrini it hürüşünə bənzədib. 

"Report" xarici KİV-ə istinadən xəbər verir ki, nazir "əgər o hesab edirsə ki, bizi it hürüşü ilə qorxuda bilər, onda bu, it yuxusudur", - deyə bildirib. 

O, bununla "it hürər, karvan keçər" məsəlinə işarə edib. Qeyd edək ki, Koreya dilində "it yuxusu" absurd və cəfəngiyat anlamını verir.

Nazir həmçinin Trampın Şimali Koreya lideri Kim Çen Inı "raket insan" adlandırmasını da şərh edib. "Onun köməkçilərinə yazığım gəlir", - deyə nazir bildirib. 

Tramp bir müddət əvvəl bildirib ki, müttəfiqlərini müdafiə etmək üçün onun Şimali Koreyanı məhv etməkdən başqa çıxış yolu qalmayacaq. 




Ana səhifəyə qayıt        Baxış: 866          Tarix: 21-09-2017, 09:33      

Xəbəri paylaş


Paylaş:   

Prizma