Ələsgər Talıboğlu müasir dövrümüzün sayılıb- seçilən şairlərindən biridir.1959-cu ildə Şərur rayonunun Kərimbəyli kəndində anadan olub.Bu günə qədər şairin on səkkiz kitabı çap olunub. Şair əsasən böyüklər üçün yazıb -yaradır. Amma bəzən qələmini kiçikyaşlı oxucuları üçün də sınayır.Bu günlərdə işıq üzü görən “Anacan, mən sayıram onacan” adlı şeirlər kitabı  kiçikyaşlı uşaqlara həsr edilib. 

  Bu kitaba şairin son illərdə yazdığı şirin-şəkər duyğulu uşaq şeirləri, körpə balaların əqli inkişafı üçün yazılmış hesab şeirləri, yanıltmacaları və tapmacaları toplanmışdır.

   İnanırıq ki, “Anacan, mən sayıram onacan” kitabı balaca oxucuların sevimli stolüstü kitabına çevriləcəkdir.