Fransız şirkətləri tərəfindən Ukraynada istehsal olunan dron və texnika avadanlığının bir hissəsi Ermənistana ayrılır.

APA-ya Qərbdəki diplomatik mənbə bildirib ki, məhsulların təxminən 30%-i Ermənistan üçün nəzərdə tutulub.

Mənbə xüsusilə vurğulayıb ki, ilk yüklər artıq göndərilib.

Məlumata görə, bu ilin yayından etibarən Fransanın üç müdafiə sənayesi şirkəti pilotsuz uçuş aparatları (PUA) və müxtəlif texnika, o cümlədən zirehli texnika üçün ehtiyat hissələrinin istehsalı sahəsində əməkdaşlığa başlayıb.

Fransa Müdafiə Nazirliyinin birbaşa nəzarəti altında həyata keçirilən layihənin məqsədi Ukraynanın Rusiya ilə münaqişədə dəstəklənməsi olduğu bildirilsə də, sonradan Ermənistana da silah tədarükünə başlanılıb.