Ermənistan İstintaq Komitəsi "Müqəddəs mübarizə" müxalifət hərəkatının həbsdə olan lideri arxiyepiskop Baqrat Qalstanyan və onun 17 şəriki barəsində cinayət işi üzrə ibtidai istintaqı başa çatdırıb. İş məhkəməyə verilməsi üçün prokurorluğa göndərilib.

Oxu.Az bu ölkənin KİV-nə istinadən xəbər verir ki, məlumatı Ermənistan İstintaq Komitəsi dərc edib.

Xatırladaq ki, iyunun 25-də Ermənistan İstintaq Komitəsi "Müqəddəs mübarizə" hərəkatının üzvləri tərəfindən hakimiyyəti ələ keçirməyə yönəlmiş terror aktlarının hazırlanmasının qarşısının alınması barədə məlumat yayıb. Arxiyepiskop Qalstanyan və tərəfdarlarının evlərində genişmiqyaslı axtarışlar aparılıb və həmin axşam məhkəmədə onların həbsi barədə qərar çıxarılıb.