Neftçala rayonunda bədbəxt hadisə baş verib.

Ovqat.com xəbər verir ki, hadisə bu gün axşam saatlarında rayonun Xolqarabucaq kəndində qeydə alınıb.

Həmin kəndin sakini, 64 yaşlı İbad Əliağa oğlu Rzayev idarə etdiyi "Jiquli” markalı avtomobillə hərəkətdə olarkən 25 yaşlı həmkəndlisi Şamil Xaqani oğlu Quliyevin idarə etdiyi traktorun altında qalıb. Belə ki, sürücünün idarəetməni itirməsi nəticəsində yol kənarında təmir işləri aparan traktor avtomobilə doğru hərəkət edib. “Jiquli”nin sürücüsü xilas olmaq üçün avtomobilin qapısını açıb bayıra atılmaq istəyərkən traktorun altında qalaraq dünyasını dəyişib.

Faktla bağlı araşdırma aparılır. (report)