Rusiya Mərkəzi Bankı valyuta alışını 30 günlüyə dayandırıb.

Ovqat.com xəbər verir ki, Rusiya Mərkəzi Bankı bu qərarın səbəbini maliyyə bazarlarında yaranmış qeyri-müəyyənliklə əlaqələndirib.

Açıqlamada qeyd olunur ki,  valyuta alışının davam etdirilməsi ilə bağlı qərar bu ay bazarlarda baş verəcək hadisələrə uyğun olaraq veriləcək.

Qeyd edək ki, ötən həftənin sonlarında Rusiya ilə OPEK ölkələri arasında hasilatın azaldılması ilə bağlı razılaşma əldə olunmamasına qəzəblənən Səidiyyə Ərəbistanı ixrac etdiyi neftin qiymətini aşağı düşürmüş, bu da neft bazarına kəskin ucuzlaşmaya səbəb olmuşdur. Qiymətlər 30%-lik ucuzlaşma nəticəsində 1990-cı illərin səviyyəsinə enmişdi.