Xəbər lenti
27-05-2020, 22:24


Eastnews.org-un verdiyi xəbərə görə, İranın Ali lideri Ayətullah Xamenei İsrail rejimi ilə münasibətləri normallaşma prosesinə keçən bəzi ərəb ölkələrini və Səudiyyə Ərəbistanını tənqid edib. 
 
Bu barədə Ayətullah Xameneinin rəsmi "Tvitter" hesabından açıqlama verilib.  
 
Təl-Əviv hökumətiylə əlaqələri xəyanət adlandıran Ayətullah Xamenei "Bu gün bəzi Fars körfəzi dövlətləri öz tarixlərinə və ərəb dünyasına ən böyük xainliyi etdilər. İsraili dəstəkləyərək, Fələstinə xəyanət etdilər. Bu dövlətlərin xalqları liderlərinin xəyanətinə dözümlülük göstərəcəkmi?", - deyə qeyd edib. 
 
Ayətullah Xamenei digər mesajında isə birbaşa Səudiyyə Ərəbistanı rəhbərliyini hədəfə alaraq, bu sözlərə yer verib: "Səudiyyəlilərin sionist rejimlə (İsrail) görünən əlaqələri tam mənasıyla Fələstin və İslam ölkələrini arxadan vuran bir xəncərdir. Səudiyyəlilər böyük bir xəyanət addımı atdılar. Onlar günahkardır, ancaq burada da ABŞ işin içindədir". 
 
Ərəb ölkələrini ABŞ-ın etibarlı olmadığını anlamağa çağıran Ayətullah Xamenei "ABŞ onları sionist rejimi və özünün bölgədəki imperialist maraqlarını qorumaq üçün bir vasitə olaraq görür", - deyə vurğulayıb. 


Ana səhifəyə qayıt        Baxış: 2 243          Tarix: 21-05-2020, 00:47      


Paylaş:   

Ən çox oxunanlar