“Türkiyənin Afrinə hərbi müdaxilə edib-etməyəcəyini bilmirik. Amma onu belə bir addım atmamağa çağırırıq. Hər kəsin gözü İŞİD-də olmalıdır".

Ovqat.com xəbər verir ki, Ankaraya bu məsləhəti ABŞ Dövlət Depatamentinin sözçüsü Heather Nauert verib.

Xanım diplomat bu gün keçirdiyi gündəlik mətbuat konfransında Türkiyə Xarici işlər naziri Mövlud Çavuşoğlunun "ABŞ-ın açıqlamaları bizi qane etmədi” sözlərinə də münasibət bildirib: "Açıqlamaları görməmişəm, amma belə hiss edibsə, təəssüflənirəm. Biz yerli qüvvələrlə nə etməyə çalışdığımızı türklərlə bölüşdük. Yerli qüvvələr İŞİD-dən geri alınmış ərazilərdə təhlükəsizliyi təmin edirlər”.