Xəbər lenti


ABŞ-da koronavirusa yoluxanların sayı yarımmilyonu keçdi.
Ovqat.com xəbər verir ki, ABŞ-da koronavirusa yoluxanların sayı 503 min 177 nəfərə yüksəlib.
Dünən qeydə alınan 2035 yeni ölüm hadisələriylə ümumi itkisi 18 761-ə çatan ABŞ İtaliyaya bir qədər də yaxınlaşıb. İndi ABŞ bu ölkədən cəmi 88 ölü qədər “geri qalır”. İtaliyada indiyədək qeydə alınan ölü sayı 18 849-dur. 
Son 24 saatda hələ ki, ən çox itki İngiltərədə yaşanıb. Ölkədə bu gün 917 nəfər koronavirusun qurbanına çevrilib. İngiltərədə gün ərzində koronavirusa yoluxanların sayı da xeyli çoxdur – 5 233. Günün axırında sayın daha da artacağı gözlənilir.
Ümumiyyətlə İngiltərədə koronavirus epidemiyası özünün pik günlərini yeni-yeni yaşayır. Buna baxmayaraq, indiyədək ölkədə koronavirusdan ölənlərin sayı 10 minə yaxınlaşır.
Digər ölkələrin koronavirus statistikası hələ açıqlanmayıb.


Ana səhifəyə qayıt        Baxış: 1 530          Tarix: 11-04-2020, 18:37      


Paylaş: