"Qarabağ Ermənistan tərəfindən əbədi olaraq itirilib".
 
Ovqat.com xəbər verir ki, Rusiyanın tanınmış "Regnum" informasiya agentliyinin baş redaktoru Modest Kolerov erməni mətbuatına açıqlamasında belə deyib.
 
Baş redaktor NEWS.am saytının əməkdaşına bildirib ki, erməni separatçılarının Qarabağda yaşaya bilməsi rus “sülhməramlı”larının əbədi olaraq orada qalmasından asılıdır. Bunun reallaşma şansı isə şübhəlidir.
 
“İndi sual başqa cür qoyulmalıdır: rus sülhməramlıları sayəsində Ermənistan Qarabağı qorunub saxlaya biləcəkmi? Çünki “sülhməramlılar olmadan ermənilər orda yaşaya bilməzlər. Bəs, “sülhməramlı”ların Qarabağda əbədi qalmasına necə əmin olmaq olar? Bu başlı-başına bir problemdir və həll olunmalıdır. Ermənistanın Qarabağa maddi yardım etməsi çox yaxşı haldır, lakin Ermənistan Qarabağın gələcəyinə və statusuna təsir edə bilməz”, - Kolerov belə düşünür.