“İsrail ordusu İran hədəflərini vurmaq üçün bir neçə ssenari hazırlayıb, lakin hökumətə həm də xəbərdarlıq edib ki, bu cür hərəkətlərin nəticələri ola bilər və potensial hücumun Tehranın nüvə proqramına təsirini proqnozlaşdırmaq çətindir”.
 
Ovqat.com xəbər verir ki, bu barədə İsrailin “Haaretz” nəşri məlumat yayıb.
 
Məlumata görə, İrana mümkün hücuma hazırlıq üçün İsrail Müdafiə Qüvvələrinə  təxminən doqquz milyard şekel (2,9 milyard dollar) vəsait ayrılıb.
 
Məqakıdı həmçinin İsrail Ordusunun son aylarda qabaqcıl silahlar əldə etdiyi, hava qüvvələrinin təlimlərinin keçirildiyi və yeni hücum hədəflərinin seçildiyi bildirilir.
 
Məlumata görə, hərbi rəsmilər hökumətə bildiriblər ki, İsrail ordusu əmr alan kimi dərhal hücuma hazırdır.
 
Bununla belə, İsrail hərbi yetkililəri İrana hücum ssenarilərinin qarşısında bir sıra çətinliklərin olduğunu da etiraf ediblər. Çətinliklər arasında Livanda Hizbullah və ya Qəzzada HƏMAS ilə başda olmaqla bir sıra potensial təhlükələr də yer alır. Bundan əlavə İsrail Silahlı Qüvvələri  İranın son illərdə hava hücumundan müdafiə sifarişini genişləndirdiyini, bunun da gözlənilən hava hücumlarını çətinləşdirəcəyini vurğulayıblar.
 
Tehranın uzaqmənzilli raket arsenalını İsrailin istənilən nöqtəsini rahatlıqla vura biləcək qədər artırması da ciddi maneələrdən biri kimi təqdim olunub.