“Report”un Gürcüstan bürosu xəbər verir ki, bu barədə Ş.Mişel tvitter hesabında yazıb.

O bildirib ki, söhbət zamanı Azərbaycan-Ermənistan münasibətlərinin nizamlanması ilə bağlı perspektivlər ətrafında fikir mübadiləsi aparılıb.

Qeyd olunub ki, tərəflər arasında etimadın yaradılmasına və dialoqa ehtiyac var.

Ş.Mişel Aİ-nin Ukrayna və Gürcüstanın ərazi bütövlüyünə dəstək də ifadə edib.

Tərəflər həmçinin Əfqanıstandakı vəziyyəti də nəzərdən keçiriblər.