Ermənistanın sabiq xarici işlər naziri,  Qarabağdakı məğlubiyyətdən sonra -  noyabrın 16-da istefa vermiş Zöhrab Mnatsakanyan Rusiyaya səfir təyin edilə bilər.

Bu barədə “Past” nəşri yazıb.

Qeyd edilib ki, baş nazir Nikol Paşinyan bir sıra ölkələrdə səfirləri dəyişmək niyyətindədir. Mnatsakanyanın da Rusiyaya səfir təyin ediləcəyi gözlənilir.

Lakin Ermənistanın Xarici İşlər Nazirliyi məlumatı şərh etməkdən boyun qaçırıb. Nazirlikdən bildirilib ki, ölkənin xaricdəki səfirlərini prezident Armen Sarkisyan təyin edir və geri çağırır.

Qeyd olunub ki, dövlət başçısı Ermənistanın Rusiyadakı səfirinin vəzifədən azad olunması barədə sərəncam imzalamayıb.

/virtualaz.org/