İsrailin bir neçə nazirliyi son günlər Təl-Əvivin İrana mümkün hərbi hücumu və Tehranın verə biləcəyi cavabla bağlı gizli iclas keçirib.

"Azad İran" "Telegram" kanalı bu barədə ölkənin "Maariv" qəzetinə istinadla xəbər verir.

Məlumata görə, görüş zamanı əsas fərziyyələrdən biri İsrailin hər hansı rəsmi xəbərdarlıq etmədən gözlənilməz şəkildə hücum həyata keçirə biləcəyi ehtimalı olub.

Qeyd olunur ki, İsrailin belə bir hücum həyata keçirməsi halında, cavab olaraq müddəti bəlli olmayan müharibə dövrü başlaya bilər. Həmin dövrdə İsrail ərazisinə ümumi çəkisi təxminən 700 kiloqram olan minlərlə ağır raketin atılacağı proqnozlaşdırılır.