ABŞ hərbçiləri Qəzza zolağında atəşkəs razılaşmasının həyata keçirilməsinə nəzarətlə məşğul olacaq mülki-hərbi koordinasiya mərkəzinin yaradılması çərçivəsində İsrailə gəlməyə başlayıblar.

Oxu.Az bildirir ki, bu barədə CNN telekanalı Pentaqondakı mənbəyə istinadən xəbər verib.

Qeyd olunub ki, İsraildə təxminən 200 amerikalı hərbi qulluqçu yerləşdiriləcək. Onların əsas vəzifəsi razılaşmanın humanitar və logistik bəndlərinin yerinə yetirilməsinə nəzarət etmək, yardımın çatdırılmasına və təhlükəsizliyin təmin edilməsinə köməklik göstərmək, həmçinin zolaqda mülki idarəetmənin formalaşdırılması səylərini monitorinq etməkdir.