Meksika prezidenti Enrike Penya Nyeto cümə günü zəlzələ nəticəsində həyatını itirmiş insanların xatirəsinə ölkədə üç günlük matəm elan edib.

"Report" TASS-a istinadən xəbər verir ki, bunu o, mətbuat konfransında deyib.

Prezident zəlzələdən ən çox ziyan çəkmiş Xuçitan bələdiyyəsinə baxdıqdan sonra bunu elan edib.

Son məlumatlara görə, yeraltı təkanlar nəticəsində 61 nəfər ölüb, 1142 məktəbə ziyan dəyib.

Nyeto yaxın vaxtlarda dəymiş ziyan barədə məlumat veriləcəyini qeyd edib.