Ermənistanın “Flyone Armenia” aviaşirkəti Türkiyənin öz hava məkanından uçuşa icazə vermədiyinə görə iyulun 21-dək Beyruta reysləri təxirə salıb.

Şirkətin yaydığı məlumata görə, Türkiyə aviasiya orqanları "Flyone Armenia"ya uçuş icazələrini ləğv edib. Məlumatda bildirilir ki, İrəvan-İstanbul-İrəvan, İrəvan-Paris-İrəvan və İrəvan-Lion-İrəvan reysləri qrafikə uyğun həyata keçirilir.

Şirkət Beyruta uçuşların bərpası ilə bağlı əlavə məlumat verəcəyini vəd edib. Sərnişinlər uçuşların vaxtını dəyişdirməyə və ya biletin qiymətini geri almağa dəvət olunur.

"AzPolitika.info"