İslam İnqilabı Keşikçiləri Korpusunun (SEPAH) ABŞ Hərbi Dəniz Qüvvələri tərəfindən ələ keçirilən təxminən 1 milyon 100 min ədəd sursatı Ukrayna Silahlı Qüvvələrinə göndərilib.

Bu barədə “Azad İran” “Telegram” kanalı ABŞ Silahlı Qüvvələrinin Mərkəzi Komandanlığına (CENTCOM) istinadla xəbər verib.

Məlumata görə, ABŞ hökuməti həmin sursatları ötən ilin noyabrında körfəzdə bayraqsız hərəkət edən gəmidən müsadirə edib.

Belə ki, SEPAH Yəməndə BMT-nin Təhlükəsizlik Şurasının 2216 nömrəli qətnaməsini pozmaqla döyüş mərmilərini öz himayəsində olan üsyançı Husi qruplaşmasına göndərirmiş.

ABŞ Komandanlığı dərc etdiyi bəyanatında qeyd edilib ki, İranın sabitliyi pozan bütün cəhdlərinin qarşısı alınacaq.