Bu gün Türkiyənin “Rəsmi Qəzet”ində Prezident Rəcəb Tayyib Ərdoğanın imzası ilə bir sərəncam dərc olunub. Sərəncamda Avropa İttifaqı (Aİ) viza sərbəstliyi önündəki əngəllərin qaldırılması üçün işlərin sürətləndiriləcəyi və nəticə alana qədər davam etdiriləcəyi vurğulanıb.

Ovqat.com xəbər verir ki, sərəncamın Türkiyə Parlamentinin payız sessiyasının açılması ərəfəsində imzalanması diqqət çəkib.

Zira payız sessisyasında məhkəmə islahatları ilə qanunların hazırlanması nəzərdə tutulur. AŞPA rəsmiləri isə islahatla birlikdə ifadə azadlığının önündəki maneələrin aradan qaldırılacağını açıqlaşmışdılar.

Qeyd edək ki, Aİ-dən  Türkiyəyə yönəldilən ən böyük tənqidlərdən biri "Prezidentinə təhqir" ittihamı ilə minlərlə insanın cəzalanmasıdır. Qurum bu məhkəmə proseslərinin ifadə azadlığına zidd olduğu düşünür.

Maraqlıdır ki, Türkiyə məhkəmə islahatlarına hazırlaşarkən, hakim partiya ilə müzalifət arasında dialoq ortamının da yarandığı və getdikcə geniş vüsət aldığı hiss olunur. Prezident Ərdoğanın bələdiyyə başçıları ilə keçirdiyi iclasa CHP-liləri də dəvət etməsi ilə bu dialoqun təməllərinin atıldığı bildirilir. Dialoq ümidlərinin yarandığı bir zamanda Prezidentin vəkili Əhməd Özəl ötən ay İstanbul məhkəməsinə bir ərizə göndərmişdi. Ərizədə Ərdoğanın iyulun 15-dən sonra şikayətçi olduğu məhkəmə davalarından imtina etdiyini qeyd olunurdu.

Bütün bu müsbət addımlardan sonra “Rəsmi Qəzet”də son sərəncamın dərc edilməsi Türkiyədə Avropa İttifaqına doğru kompleks addımların atıldığı və atılacağı qənaəti formalaşır.