Xəbər lenti


 
Rusiya Azərbaycana koronavirusla daha effektli mübarizə aparmaq üçün tibb mütəxəssisləri göndərməyi planlaşdırır.
 
Ovqat.com xəbər verir ki, bunu   Rusiyanın Səhiyyə naziri Mixail Muraşko Rossiya24 televiziyasına açıqlamasında bildirib.
 
Onun sözlərinə görə, hər gün bir sıra ölkələrdən Rusiya Səhiyyə Nazirliyinə xeylu müraciətlər daxil olur və Nazirlik həmin müraciətlərə çalışdığı qədər müsbət cavab verir. 


 
Biz sözügedən ölkələrə həm metodiki, həm də praktiki yardım göstərmək üçün mütəxəssislər göndəririk. Bizim mütəxəssislər əvvəl İtaliyada işləyiblər. Bu yaxınlarda isə Qırğızıstandan qayıtdılar. Hazırda onlar Qazaxıstandadırlar. Yaxın günlərdə Azərbaycana da tibb mütəxəssisləri göndərməyi planlaşdırırıq. Əlbəttə ki, biz xüsusilə də yaxın dostlarımıza hər cür yardım göstərməyə hazırıq", - Muraşko belə deyib.
 
Qeyd edək ki, Rusiyanın İtaliyaya göndərdiyi heyət hərbi-tibb mütəxəssislərindən təşəkkül tapmışdı. Onların əsasən koronavirusun bioloji hücun olub-olmadığını araşdırdıqları xəbər verilirdi.




 
 
 


Ana səhifəyə qayıt        Baxış: 3 510          Tarix: 10-07-2020, 10:00      


Paylaş: