Xəbər lenti

 
Krimonologiya elmi cinayət hadisəsinin ilkin dəlillərindən çox, onun kimə sərf etdiyi amilinə daha çox inanır. Çünki bəzən canilər özlərini gizlətmək üçün qurbanlarının ətrafına izazdırıcı “dəlillər” buraxırlar. Bu süni dəlillər istintaqı təkcə əsl canidən uzaqlaşdırmır, həm də onun düşmənlərinə tərəf yönəldir. 
 
Bu baxımdan Rusiya ilə Avropa arasında münasibətlərin korlanmasına yol açan və onun əsas gəlir mənbəyi sayılan enerji layihələrinin taleyini şübhə altına alan Navalninin zərərlənməsi cinayətinin əsl səbəbkarını müəyyənləşdirmək də çətindir. Alman klinikasının iddiasına görə, Navalni “Novoçok”la zəhərlənib və o, Putin hakimiyyətinə qarşı ən barışmaz müxalif kimi tanınır. Bütün bu dəlillər kombassın əqrəbini Moskvaya doğru yönəldir. Amma zəhərlənmənin nəticəsində ortaya çıxan mənzərə Rusiyanın bu hadisədən heç nə qazanmadığını, əksinə, ən ağır sanksiyalara məruz qalma ehtimalını doğurur. Sözsüz ki, indiki ağır vəziyyətdə bu cür nəticə ilə üz-üzə qalmaq Moskvanın işinə yaramır. Ən əsası isə Rusiyanın Qərbi Avropada itirdiyi fürsətləri ABŞ ələ keçirir. Məntiqlə, Navalni cinayətindən ən çox qazanan da elə Vaşinqton olacaq. 
 
Ovqat.com xəbər verir ki, Rusiyanın “Rueconomics.ru” nəşri də bu versiya üzərində dayanıb.
 
Nəşrin "Şimal Axını-2"-dən dönüş AFR-in öz maraqlarına zərbə olacaq sərlövhəli məqaləsini təqdim edirik.



 Aleksey Çepa
 
Rusiya Dövlət Dumasının beynəlxalq məsələlər komitəsinin sədr müavini Aleksey Çepanın fikrincə, "Şimal Axını-2" mövzusu Rusiya, Avropa İttifaqı və ABŞ arasında beynəlxalq münasibətlərin əsas mövzu olub.
 
Aımaniya hökumətinin rəsmi nümayəndəsi Şteffen Zabert kansler Angela Merkelin Almaniyanın xarici işlər naziri Hayko Maas ilə həmrəy olduğunu, Berlinin "Şimal Axın-2" ilə bağlı siyasətinin bloger Navalninin səhhətindən asılı ola biləcəyini söyləyib.
 
Halbuki dünən Hayko Maas iddia edirdi ki, blogerin taleyi ilə bağlı diskussiyanın "Şimal Axını-2"-nin reallaşdırılması məsələsinə dəxli yoxdur, çünki Almaniyanın iş adamları bu layihəyə əhəmiyyətli investisiyalar qoyublar.
 
Qeyd edək ki, "Şimal axını-2" layihəsində Aİ üzvü 12 ölkənin 100-ə qədər şirkəti fəaliyyət göstərir, onların yarısı Almaniyaya məxsusdur. Buna görə də, Maas "Şimal Axını-2" nin taleyini blogçunun səhhəti məsələsindən ayrı tutmağa çalışmışdı. Zaidbertin bəyanatından isə belə görünür ki, rəsmi Berlinin bu məsələdə siyasi mövqeyi birmənalı deyil. Bu ikili ritorikaya isə Berlindəki "Charite" klinikasının blogerin zəhərlənməsinə dair diaqnozu səbəb olub. Klinikanın bu bəyanatından sonra Almaniya hökuməti anti-Rusiya qüvvələrinin böyük təzyiqi ilə üz-üzə qalıb. Azad Demokrat Partiyası və Xristian Dİemokrat İttifaqı (XDİ)"Şimal Axını-2" nin inşasına moratorium qoymağı təklif ediblər, nüfuzlu "Yaşıllar" partiyası isə hökuməti bu layihədən tamamilə imtina etməyə çağırıb.


 Şteffen Zabert
 
Merkel hökuməti XDİ-XSİ (Xristian Sosialist İttifaqı) və ASDP-nin (Almaniya Sosial-demokratik Partiyası) böyük koalisiyası əsasında qurulub. Hətta Almaniya prezidenti Frank-Valter Ştaynmayerin timsalında mötədil sosial-demokratlar belə, Rusiya ilə bağlı birmənalı olmayan çıxışlar edir.
 
Blogerlə bağlı vəziyyət AFR-in (Almaniya Federal Respublikası) "Şimal Axını-2" lahiyəsi ilə əlaqədar mövqeyinin haçalanmasına zəmin yaradıb - Almaniya və Avropa Birliyi üçün faydalı olan bu layihəni dəstəkləməkdən tutmuş onun tikintisinə müvəqqəti moratorium qoyulmasına və ya hətta layihədən qəti şəkildə imtina edilməsinə qədər.
 
“"Novoçok”-un nə cür dərman olduğunu bilmirəm, amma onun əsas leytmotivinin almanların bir sıra Avropa ölkələri ilə birlikdə ABŞ-ın “Şimal Axını-2”-yə tətbiq etdiyi sanksiyalara qarşı çıxması olduğuna dair şübhələr var. ABŞ-ın LNG istehsalçıları bu hadisədə maraqlı tərəfdirlər”, - deyir  Çepa.
 
Amerikanın LNG şirkətləri Rusiya qazının dominantlığına mane olmaq üçün Avropa bazarlarına tədarük lobbiçiliyi etmək istəyirlər. Onlar "Qazprom"la qiymət müharibəsini qazana bilmirlər, buna görə də "azadlıq molekulları"nın lobbiçiliyində siyasi komponentlərdən istifadə edirlər.
 
"Bu, Belarusla bağlı məsələlərlə yanaşı, Moskvaya qarşı əsas siyasi təzyiqdir", – deyə Çepa bildirir.
 
Bu hadisə yalnız amerikalılara sərf edir
 
Rusiya Dövlət Dumasının beynəlxalq məsələlər komitəsinin üzvü Anton Morozov "İqtisadiyyat bu gün" FBA ilə söhbətində qeyd edib ki, Almaniyada "Şimal axını-2"-yə qoşulacaq gücə malik qüvvələr var.


 
«"Şimal Axını-2" Almaniya üçün sərfəli layihədir. Bundan əlavə, iqtisadiyyatı xilas etmək üçün almanlar üçün həyati əhəmiyyət kəsb edir. AFR-də durğunluq ucuz resursların olmaması və onların tədarükünün etibarsızlığı səbəbindən baş verir",-Morozov belə fikirləşir.
 
Bu səbəbdən Merkel hökuməti "Şimal Axını-2"-ni dəstəkləyir və onu Berlin üçün vacib iqtisadi layihə kimi xarakterizə edir və bu, Rusiya ilə Almaniya arasında ikitərəfli münasibətlərin kəskin pisləşməsi fonunda baş verir.
 
"Sözügedən layihənin reallaşması ilə Rusiya Almaniyanın əlini gücləndirir. Bu isə amerikalılara sərf etmir. Birincisi, onlar guya Avropa İttifaqını “qaz iynəsi” üzərində oturdacağımızdan və tərəf-müqabillərimizə hansısa siyasi şərtlər diktə edəcəyimizdən qorxurlar. ABŞ Avropanı onlarla ittifaqdan ayıracağımızdan ehtiyatlanır. İkincisi, amerikalılar Avropaya sıxılmış qaz nəql etmək istəyirlər", - deyə Morozov bildirir.
 
 
Anton Morozov
 
Bu səbəbdən ABŞ Berlin-Vaşinqton əməkdaşlığına zərər vuran "Şimal Axını-2"-nin tənqid atəşinə tutulması üçün bu hekayəni Navalni qalmaqalı ilə işə sala və yeni siyasi arqumentlər əldə edə bilər.
 
Morozovun fikrincə, alman cəmiyyətini Rusiyanın təcavüzkar dövlət olduğuna və müxalifət xadimlərini zəhərlədiyinə inandırmağa çalışırlar: “Əslində isə bütün bunlar uydurmadır, “Charite” xəstəxanasının həkimlərinin ifadəsi istisna olmaqla, Navalninin zəhərləndiyinə dair heç bir sübut yoxdur. Biz Omsk şəhərində təhlillər apardıq və bu hadisədə zəhərləyici maddələrin olmadığını müəyyən etdik. Sonra Rusiya bloger ailəsinin təkidli xahişi ilə onun Berlinə aparılmasına icazə verdi".
 
Həmsöhbətimizin fikrincə, yaranmış vəziyyətdə Rusiyaya qarşı ittihamlar yöndəmsiz görünür və Almaniya hökumətini və alman siyasətçilərini nüfuzdan salır.
 
"Bu məsələ bir çox mübahisələrə səbəb olub. Kanslerin bəyanatına baxmayaraq, bir çox alman siyasətçiləri hadisənin təqdimatında aşkar siyasi motivlərin olduğunu başa düşürlər. Almaniyanın "Şimal Axını-2" mövqeyində dönüşdən danışmaq olmaz, çünki bu ölkədə vəziyyəti başa düşən sağlam beyinlər var", - deyə Morozov bildirir.
 
 Ovqat.com


Ana səhifəyə qayıt        Baxış: 3 898          Tarix: 8-09-2020, 10:54      

Xəbəri paylaş


Paylaş:   

Prizma