Hurriyyet.org xəbər verir ki, Birləşmiş Ərəb Əmirliklərində yerləşən Ajman sənaye zonasında böyük bir bazarda yanğın baş verib. Bu barədə “Ajman Nyus” (“Ajman News”) agentliyinin “İnstaqram” (“Instagram”) hesabında məlumat verilib.

KİV-də yayılan videolarda qara duman buludları görünür. Bazarın bir hissəsinin yerlə bir olduğu xəbəri verilib. Yanğınsöndürənlər alovun qonşu binaya keçməsinin qarşısını ala biliblər.

İnsanlar evakuasiya ediliblər, xəsarət alan olmayıb. Yanğın artıq söndürülüb, istintaq başlanıb. Mağazaların çoxu yanıb. Koronavirus epidemiyası üzündən bazar bir neçə ay müddətində fəaliyyətini dayandırıbmış.