“Tezliklə Belarusda Krım ssenarisi ağrısız şəkildə təkrarlana və o, sülh yolu ilə Rusiya Federasiyasına birləşə bilər”. 
 
Ovqat.com xəbər verir ki, rus hərbi mütəxəssisi, ehtiyatda olan polkovnik Vladimir Truxan belə hesab edir.
 
Ekspertin sözlərinə görə, bu birləşmə qərarı zamanı Belarus xarici təzyiqlərə məruz qalsa da, heç nə itirməyəcək. “Onun üçün Qərbin sanksiyaları da qorxulu olmayacaq. Bunun səbəbi Belarusun əsas bazarının Avropa ölkələri deyil, Rusiya olmasıdır. Bundan başqa, bu cür birləşmə məmur aparatları üçün çəkilən xərcləri azaltmağa imkan verəcək. Axı, hazırda Belarus hakimiyyəti məmurları saxlamaq üçün dövlət büdcəsinin kiçik hissəsini sərf etmir”, - Truxan belə deyib.
 
Polkovnikin sözlərinə görə, hazırda Belarusda ümumxalq aksiyalarının nəticə verməsinin əsas səbəbkarı ölkə iqtisadiyyatının xarakteridir: “Belarusda hələ də sovet iqtisadi sistemi özünü qoruyur. Bu ölkədə bir çox iri müəssisələr hələ də dövlətə bağlıdır. Onlar özəlləşdirilmiş olsaydı, bu cür tətillər baş verməzdi. Özəl müəssisələrdə heç kim tətilə çıxmır, çünki dərhal işdən qovulacağından ehtiyat edir. Dövlət müəssisələrində isə düşünürlər ki, bunu edə bilərlər. Özəl müəssisələrdə daha yüksək maaş aldıqlarından hamı işləməyə maraq göstərir”.