Dekabrın 8-də Nizami Kino Mərkəzində Bakıda ilk olaraq, kinomərkəzin, Frame.az və İdeya Qazandı telelayihəsinin dəstəyi ilə   Wood Group komandasının  piroqrafik əl işlərindən ibarət sərgisi keçirilib.

Ovqat.com məlumatına görə, sərgidə Wood Group-un rəssamları Vüsal Əhmədov, Aqşin Qarayev, Alagöz Əlixanov, Nəzrin Rəcəbova və Lalə Babayevanın taxta üzərində işlənmiş əl işləri  nümayiş olunub. Həmçinin, tədbirin aparıcısı İsgəndər İbrahimov qonaqlarla canlı musiqi, müsabiqə və viktorinalar təqdim edəcək.

Tədbirdə layihə rəhbərləri Taleh Məmmədov, Əli Ələkbərov və sərginin təşkilatçısı   Sara Balakişiyeva iştirak edib.

Sərginin açılışı saat 18:00-da  Nizami Kino Mərkəzinin  ikinci mərtəbəsində yerləşən “Nizami Lounge”-da baş tutub.

Mövzuya dair fotomateriallar:

Müəllif: Mətanət İmanquliyeva