Ermənistanla Azərbaycan arasında paraflanmış sülh sazişinin mətni 11 avqustda dərc ediləcək.

Oxu.Az TASS-a istinadən xəbər verir ki, bu barədə Ermənistan XİN məlumat yayıb.

"Azərbaycanla əldə edilmiş razılaşmaya uyğun olaraq, paraflanmış sazişin mətni bazar ertəsi, 11 avqust axşamı dərc ediləcək", - xarici siyasət idarəsinin məlumatında qeyd olunur.

Xatırladaq ki, mətni Vaşinqtonda Ermənistanın xarici işlər naziri Ararat Mirzoyan və Azərbaycanın xarici işlər naziri Ceyhun Bayramov imzalayıblar.