Hurriyyet.org xəbər verir ki, İranın Kəşfiyyat naziri Mahmud Ələvi bir neçə ay bundan əvvəl (2020-ci il noyabrın 27-də) sui-qəsdin qurbanı olmuş nüvə fizikası alimi Möhsün Fəxrizadənin qətlində orduda xidmət edən bir şəxsin əli olduğunu bəyan edib. O, hadisədən iki ay əvvəl həmin rayonda hücum ola biləcəyi barəsində məxfi məlumatın Silahlı Qüvvələrin əməkdaşlarına verildiyini, lakin lazımi tədbirlərin görülmədiyini bildirib və əlavə edib: “Sui-qədri hazırlayan şəxsin Silahlı Qüvvələrdə çalışdığını bilirdik, lakin qəsdin qarşısını ala bilmədik. Silahlı Qüvvələrin

 fəaliyyət sahəsində kəşfiyyat fəaliyyəti göstərə bilmərik. Buna görə də sui-qəsd haqqında məlumatı verdikdən sonra, iki idarə arasında koordinasiya təmin edə bilmək üçün onlara bir nümayəndə seçmələrini təklif elədik. Təəssüf ki, Silahlı Qüvvələr bizə nümayəndə gördərənə qədər Fəxrizadə qətlə yetirildi”.

Nazir orduda çalışan casus barəsində məlumat verməsə də, şübhəlu şəxsin hadisədən bir neçə gün əvvəl xaricdə olduğunu bildirib.