İsrailin hava hücumu Qəzzada beynəlxalq medianın ofislərinin yerləşdiyi 11 mərtəbəli binanın çökməsinə səbəb olub.

Virtualaz.org xarici KİV-ə istinadən bildirir ki, hücumdan bir qədər əvvəl İsrail Qəzza zolağında yerləşən Əl-Cəzirə TV, "Associated Press" və digər beynəlxalq median ofislərinin yerləşdiyi binaya növbəti saatda hücum edəcəyi barədə xəbərdarlıq ünvanlayıb.

"İsrail Hərbi Hava Qüvvələri Qəzza şəhərində "Associated Press" və Əl-Cəzirə kimi bir sıra beynəlxalq medianın yerləşdiyi "Əl-Cala" çoxmərtəbəli binasını tamamilə məhv edib",- deyə məlumatda qeyd olunub.

Hələlik rəsmi qurumlar hadisə barədə açıqlama yaymayıb.