ABŞ prezidenti Co Baydenin Rusiyalı həmkarı Vladimir Putinlə dünən apardığı danışıq onun sələfi Donald Trampı qane etməyib.
 
Ovqat.com-un məlumatına görə, bunu Trampın özü Fox News-a verdiyi açıqlamada bildirib.
 
Trampın fikrincə, Co Baydenin bacarıqsızlığı sayəsində ABŞ bütün potensial fürsətlərini Rusiyaya buraxıb, heç nə əldə edə bilmədən səhnəni tərk edib.
 
Vaşinqtonun bundan sonra “Şimal Axını-2” qaz kəməri layihəsini dayandıra bilməyəcəyini və amma bunun ABŞ-ın maraqlar üçün həyati əhəmiyyət daşıdığını söyləyən Trampın fikrincə, görüşün qazananı Rusiyadır.
 
"Düşünürəm ki, Rusiya üçün yaxşı bir gün oldu. Halbuki, bu görüş ABŞ-Rusiya münasibətləri üçün inanılmaz ola bilərdi. Onların iqtisadiyyata, bizim isə onlarda olan təbii sərvətlərə ehtiyacımız var. Mineral ehtiyatlara və bir çox digər cəhətdən qiymətli torpaqlara sahibdirlər. Bir çox yaxşı şey ola bilərdi”, - Tramp belə deyib.
 
Sabiq prezident onu da xatırladıq ki, Putinlə çox yaxşı münasibətləri var idi: Amma heç kim onunla mənim kimi sərt davranmayıb”.