İran hakimiyyəti HƏMAS qruplaşmasından İsrail vətəndaşlığı olmayan girovları azad etməyə hazır olduqlarına dair zəmanət aldığını təsdiqləyib.

“Report” “İnterfaks”a istinadən xəbər verir ki, bu barədə İran Xarici İşlər Nazirliyinin sözçüsü Nasser Kanani deyib.

İran XİN nümayəndəsi qeyd edib ki, Qəzza zolağının İsrail tərəfindən bombalanması hələ ki bunun həyata keçirilməsinə imkan vermir.

Onun sözlərinə görə, bir neçə ölkə Qəzza zolağında qruplaşma tərəfindən girov götürülən xarici vətəndaşların azad edilməsinə nail olmaq üçün HƏMAS-la danışıqlar aparmağı Tehrandan xahiş edib.