"Keçən bazar günü mərkəzi İstanbul olan bəzi böyük şəhər və vilayətlərin açıqlamalarını verdik. Yəqin ki, bu həftə böyük şəhərlər və mərkəzi Ankara olan qalan vilayətlər barədə açıqlama verəcəyik".

Musavat.com xəbər verir ki, bu barədə Türkiyə Prezidenti Rəcəb Ərdoğan yerli seçki hazırlıqları ilə bağlı son vəziyyətdən danışarkən deyib.

Ərdoğan yanvarın 15-də keçirilməsi planlaşdırılan qalan vilayətlərin namizədlərinin bazar günü açıqlanacağını qeyd edib:

"Bu həftənin bazar günü mərkəzi Ankarada olan bu toplantını böyük ehtimalla ATO Konqres Salonunda keçirib, böyük şəhərlər və qalan vilayətlərlə bağlı açıqlama verəcəyik. Bu gün və sabah İstanbul və ətraf vilayətlərdə işlər davam etdiriləcək”.