Ukrayna Prezidenti Vladimir Zelenski Rusiya ilə barışıq əldə etmək zərurətini qəbul etmək istəyir, lakin hələlik bunu edə bilmir.

Axar.az xəbər verir ki, bunu ukraynalı politoloq Dmitri Korneyçuk bildirib.

Korneyçukun sözlərinə görə, guya Vaşinqtonda onların heç nədən xəbəri yoxdur; guya Bayden Ukraynanı müharibəni dondurmağa məcbur etmir:

"Bu, məhz Ukraynanın mövqeyi olmalıdır. Ukraynanın müdafiəyə keçdiyinə dair siqnallar göndərilir. Biz bu siqnalları alırıq".

Onun sözlərinə görə, Amerika prezidenti və onun administrasiyası guya özlərinin bu prosesə cəlb edilmədiklərini iddia edirlər. Onlar qəsdən belə bir təəssürat yaradırlar ki, qərarları Kiyev verir.