Rusiyanın nəzarətinə keçən Ukraynanın Donetsk vilayətinin Şevçenko kəndində perspektivli litium yataqlarından biri yerləşir.

Oxu.Az xəbər verir ki, bu barədə "Le Figaro" qəzeti məlumat yayıb.

Qeyd olunub ki, bu fakt ABŞ Prezidenti Donald Tramp üçün vacib olan nadir metallar məsələsində rəsmi Moskvanın mövqeyini gücləndirir.

Məlumata görə, ərazidə litium-silikat yataqları var. Həmin yataqlarda onun tərkibi 90%-ə çatır. Bildirilir ki, Tramp nadir metallara marağını gizlətmir. O, bu məsələdə Rusiya ilə əməkdaşlıq imkanlarını nəzərdən keçirir.