İran Avropa üçlüyü ölkələri (Böyük Britaniya, Fransa və Almaniya) ilə danışıqları davam etdirmək niyyətindədir, lakin məsləhətləşmələrin növbəti raundunun vaxtı hələ müəyyən edilməyib.

Oxu.Az IRNA agentliyinə istinadən xəbər verir ki, bu barədə İran Xarici İşlər Nazirliyinin nümayəndəsi İsmayıl Bəqai bildirib.

"Bu üç ölkə ilə əlaqə və danışıqlar davam edir. Artıq qeyd olunduğu kimi, danışıqlar ötən həftə aparılıb, lakin danışıqların növbəti raundu üçün yekun tarix hələ müəyyən edilməyib", - deyə o vurğulayıb.

Xatırladaq ki, tərəflər sonuncu dəfə iyunun 20-də Cenevrədə görüşüb və burada Avropa üçlüyünün xarici işlər nazirliklərinin rəhbərləri İranın xarici işlər naziri Abbas Əraqçı ilə danışıqlarda iştirak ediblər.