Ukrayna Prezidenti Volodimir Zelenski rusiyalı həmkarı Vladimir Putinlə münaqişənin nizamlanmasını müzakirə etmək üçün görüşməyə hazır olduğunu bəyan edib.

Oxu.Az-ın xəbərinə görə, bu barədə o, öz "Telegram" kanalında paylaşım edib.

Volodimir Zelenski texniki məsləhətləşmələrdən dövlət başçıları arasında dialoqa keçməyi təklif edib.

O, Rusiyanın layiqli sülhə ciddi şəkildə hazır olmasının əsas şərt olduğunu bildirib.

Ukrayna prezidenti qeyd edib ki, Kiyev Donald Trampın müharibəni bitirmək səylərini dəstəkləyir: "Əgər Moskvanın bəyanatları ləngitmə taktikası deyilsə və münaqişəni sona çatdırmaq üçün real niyyətin siqnalıdırsa, biz istənilən vaxt liderlər arasında danışıqlara açıq olduğumuzu təsdiq edirik", - o yazıb.