Türkiyənin xarici işlər naziri Hakan Fidanla rusiyalı həmkarı Sergey Lavrov arasında telefon danışığı baş tutub.

Oxu.Az "Haber Global"a istinadən xəbər verir ki, tərəflər Rusiya və Ukrayna arasında davam edən müharibənin bitməsi üçün görülən işləri, həmçinin ABŞ Prezidenti Donald Trampla rusiyalı həmkarı Vladimir Putinin Alyaskada baş tutan görüşünün nəticələrini müzakirə ediblər.

Fidan Ukraynanın Alyaskada başlayan prosesə qoşulması ilə davamlı sülhə töhfə veriləcəyinə ümid etdiyini və Türkiyənin də prosesə töhfə verməyə hazır olduğunu bildirib.